«Митта вулавĕсем»

2026 çулхи пуш уйăхĕн 13-мĕшĕнче поэзине юратакансем Митта Ваҫлей ячĕпе хисепленекен Первомайски вăтам шкулĕнче «Митта вулавĕсем» сăвă конкурсне пухăнчĕç.

Патăрьел тăрăхӗнчи шкулсенчен кăçал конкурса 60 ытла вĕренекен хутшăнчĕ.Паянхи Митта Ваҫлейне халалланă конкурс 3-11-мĕш классем хушшинче икĕ номинаципе иртрĕ:
• «Митта Ваҫлей сăввисем» (чăвашла тата вырăсла вуласси
• «Митта Ваҫлей ентешĕсен сăввисем»
Çĕнтерÿçĕсене Патăрьел муниципаллă округ администрацийĕн вĕрентÿ, çамрăксен политикин, физкультурăпа спорт управленийĕ информаципе методика центрĕн тĕп специалисчĕ Л.Н. Титова Хисеп хучĕсемпе чысларĕ, муниципалитет шайĕнчи пысăк мероприятине тĕплĕн хатĕрленсе ирттернĕшĕн шкул директорне В.С.Чернышова, чăваш чĕлхипе литературине вĕрентекенсене - В.Н. Савиновӑна, Е.Ф. Сорокинӑна, А.И. Селивановӑна тав турĕ.
Мероприяти питӗ тухӑçлӑ иртрӗ. Пурне те тав!