Ака уйăхĕн 17-мĕшĕнче Первомайски  шкулĕнче  чăваш чĕлхи  эрни  пуçланчĕ.   Пĕтĕм шкул умĕнче 6 – мĕш класра вĕренекенсем чăваш чĕлхине юратни çинчен сăвăсем каларĕç. Класс сехечĕсене И.Я.Яковлева халалларĕç. Тăван чĕлхене упрамалли çинчен калаçрĕç.

    Ака уйăхĕн 18-мĕшĕнче  Селиванова А.И. ертсе пынипе 8 б класра „ Манăн пирвайхи хаçат“ проект ĕçĕ иртрĕ. Ачасем икĕ ушкăна пайланса „Туслăх»  тата « Тăван чĕлхе» хаçатсем кăларчĕç. Викторов Иван сăвă, Кондратьев Сергей сочинени çырса, Шагулов Сергей ÿкерчĕксем туса  хаçатсене илемлетрĕç. Хĕр ачасем те вĕсенчен юлмарĕç.Содержани енчен те, ÿкерчĕксемпе те пуян пулса тухрĕ вĕсен хаçачĕ.

      Ака уйăхĕн 20-мĕшĕнче    Савинова В.Н. 11  класра „ Тăван сăмах – пин-пин ахах“  темăпа интеллектуаллă вăйă  ирттерчĕ.  Ачасем тĕрлĕ станцисенче ăмăртрĕç.

     Çак кунах 7 а класра Сорокина Е.Ф. ертсе пынипе „ Тăван литература“  викторина иртрĕ. Ачасем икĕ ушкăна пайланчĕç. Чи пултаруллисем хĕр ачасен ушкăнĕ пулчĕ.

    Çав кунах 7б класра  вĕренекенсем   литература хайлавĕсене аса илсе ÿкерчĕксем турĕç. Хăйсем тунă ÿкерчĕксем çинчен каласа пачĕç. Чи хитре ÿкерекенсем: Езюкова К., Александров С., Захарова К.

     Ака уйăхĕн 21-мĕшĕнче 5-мĕш  классем И.Я.Яковлевăн калавĕсене вуласа тишкерчĕç. „ Кулач“, „ Йăлăнтарни“, Юлхавпа кахал“ калавсене рольсемпе вылярĕç.

      Ака уйăхĕн 22-мĕшĕнче 8а класра „ Кам тавçăруллăрах?“ ăмăрту иртрĕ. Тĕрлĕ ыйтусем çине ачасем тăрăшса хуравларĕç. Чи тавçăруллисем Митта Ксения, Сорокина Анастасия, Казеева Диана пулчĕç.