Календарьте çак куна хĕрлĕ тĕспе палăртман. Апла пулин те ака уйăхĕн 12-мĕшĕ — пысăк уяв. Çак кун пĕтĕм тĕнче Авиаципе Космонавтика кунне уявлать. Çак паллă уяв çын космоса пĕрремĕш хут вĕçнипе çыхăннă. 2011 çултан Космонавтика кунне «Çын космоса вĕçнĕ пĕтĕм халăх хушшинчи кун» (Международный день полёта человека в космос) ят панă.

1961 çулхи апрелĕн 12-мĕшĕнче Совет Союзĕн гражданинĕ аслă лейтенант Юрий Алексеевич Гагарин «Восток» космос карапĕпе тĕнче уçлăхне пуçласа çул хывнă, космос вĕçевĕсен саманине уçнă.  Космосри 1-мĕш вĕçев 108 минута тăсăлнă. Юрий Гагарин ячĕ тĕнчипех сарăлнă. Космонавт майор ятне тата Совет Союзĕн Геройĕ ятне тивĕçнĕ.

Пулас ăрусен те, пирĕн пурин те – хамăр историе пĕлесчĕ, манас марччĕ. Космонавтсене сума сăватпăр. Андриян Григорьевич Николаев космонавт Чăваш Ен çынни пулнишĕн эпир мухтанатпăр, мăнаçланатпăр.